Аудан әкімінің оқушылармен еркін форматтағы кездесуі

23.05 .2022 күні аудан әкімінің оқушылармен еркін форматтағы кездесуі өтті. Аудандық мәдениет үйіне жиналғандар алдымен Республикалық, облыстық деңгейдегі конкурстар жеңімпаздарының жұмыстары қойылған жетістіктер галлереясын тамашалады. Дарынды оқушылардың жетістіктері көрмесінің таныстырылымы ғылыми жоба бағыты, робототехника, қолөнер бұйымдары, экология, танымдық бағыт, иллюстрациялық суреттер бағыты бойынша өтті. Мектебіміздің оқушыларының жетістіктері мен қолөнер бұйымдары көрмеден орын алды. Мектебіміздің 6-шы сынып оқушысы Қожахмет Ақбота мен 11-сынып оқушысы Өмірзақов Тұрар өз жұмыстарымен таныстырып өтті. Мектебімізден 12 дарынды оқушы кездесуге қатысты. Еркін әңгімелесу және сұрақ-жауап, ұсыныстар форматында өткен жиынға 150-ге жуық ауданның үздік оқушылары мен жетекшілері, білім саласының қызметкерлері қатысты. Бірнеше сағатқа созылған қызықты кездесуден соң аудан әкімі Республикалық ғылыми жобалардың, байқаулар мен олимпиадалардың жүлдегерлеріне Алғыс хат табыстап, құрмет көрсетті. Кездесу жиыны өнерпаздардың концерттік бағдарламасына ұласты. Мектебіміздің жас ақыны Қостұрған Айбек пен белсенді, " Дебат" ойынының жүлдегері Раметова Индира өз ойларын айтты. Оқушыларға мотивациялық көңіл-күй, серпін берген жиын болды. #Балаларжылы2022